वासिङ्टनले रुसी विदेशमन्त्री सर्गेई लाभरोभ र अन्य उच्चस्तरीय कूटनीतिज्ञहरूलाई संयुक्त राष्ट्रसंघको महासभामा सहभागी हुन भिसा प्रदान गरेको छ। यो निर्णयले मस्कोका प्रतिनिधिहरूलाई अमेरिकी प्रतिबन्धको बावजुद संयुक्त राष्ट्रसंघको महासभामा भाग लिन न्यूयोर्क जान अनुमति दिनेछ।

यसअघी, रुसी कूटनीतिज्ञहरूलाई सभाको ७७ औं सत्रमा सहभागी हुन भिसा दिन अस्वीकार गरेकोमा मस्कोले बारम्बार वासिङ्टनको आलोचना गरेको थियो।

फेब्रुअरीमा युक्रेनमा मस्कोको सैन्य आक्रमण सुरु गरेपछि अमेरिकाले राष्ट्रपति भ्लादिमिर पुटिन र विदेशमन्त्री सर्गेई लाभरोभलगायत उच्च स्तरका रुसी अधिकारीहरूमाथि व्यक्तिगत प्रतिबन्ध लगाएको थियो।

क्रेमलिनका प्रेस सचिव दिमित्री पेस्कोभले मंगलबार वाशिंगटनले भिसा दिन ढिलाइ गरेर “आफ्नो दायित्वहरू तोडेको” आरोप लगाएका थिए ।”आशा गरौं कि अमेरिकाले आफ्नो कर्तव्य पूरा गर्नेछ,” उनले भने, वाशिंगटनले महासभामा भाग लिन निर्धारित सबैलाई भिसा दिनै पर्छ।

सेप्टेम्बर १३ २०२२ मा सुरु हुने संयुक्त राष्ट्रसंघको महासभाको ७७ औं सत्रको मुख्य कार्यक्रम सेप्टेम्बर २० देखि २६ सम्म हुनेछ।