नेपाली भूमिमा चीनविरुद्ध गतिविधि हुन नदिनेः प्रधानमन्त्री देउवा

  • नेपाल राष्ट्रिय दैनिक
  • २८ भाद्र २०७९, मंगलवार १८:०८
PM Deuba na dli zhanshu

प्रधानमन्त्री शेरबहादुर देउवाले नेपाली भूमिमा चीनविरुद्ध कुनै पनि गतिविधि हुन नदिने प्रतिबद्धता व्यक्त गर्नुभएको छ ।

लि झान्सुको नेतृत्वमा रहेको चिनियाँ प्रतिनिधिमण्डल र प्रधानमन्त्री देउवाबीच सिंहदरबारमा भएको भेटमा, प्रधानमन्त्री देउवाले नेपालको परराष्ट्र नीति पञ्चशीलको सिद्धान्तमा आधारित रहेको जानकारी दिँदै, नेपाल एक चीन नीतिप्रति प्रतिबद्ध रहेको बताउनुभएको हो । प्रधानमन्त्री देउवाले नेपालको आर्थिक तथा सामाजिक क्षेत्रमा चीनले गरेको सहयोगको प्रशंसा गर्दै भने, ‘नेपाली भूमिमा चीनविरुद्धको गतिविधि हुन नदिने बताउनुभएको थियो ।प्रधानमन्त्री देउवाले सम्झौताले दुई देशबीचको सम्बन्ध थप प्रगाढ हुने विश्वास समेत व्यक्त गर्नुभएको छ ।

भेटमा झान्सुले दुई देशबीच असल छिमेकीका रूपमा ६ दशकभन्दा लामो समयदेखि मैत्रीपूर्ण सम्बन्ध स्थापित भएको बताउनुभयो । झान्सुले तत्कालीन प्रधानमन्त्री बीपी कोइराला र चिनियाँ नेतृत्वबीच सन् १९६० को दशकमा भएको भेट र भ्रमणको पनि स्मरण गर्नुभयो ।उहाँले नेपालको सार्वभौमसत्ता, भौगोलिक अखण्डता र राष्ट्रिय एकताप्रति पनि चीन गम्भीर र सचेत रहेको बताउनुभएको छ ।

Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५