भन्सार छलेर ल्याइएको करिब १ करोड मूल्य बराबरको चिनी र चामल बरामद

  • नेपाल राष्ट्रिय दैनिक
  • २३ भाद्र २०७९, बिहीबार २०:०७
bhirahawa bhanshar custom office

भन्सार छलेर ल्याइएको करिब १ करोड मूल्य बराबरको चिनी र चामल सशस्त्र प्रहरीले बरामद गरेको छ ।

रुपन्देहीको २ विभिन्न स्थानबाट ६ सय ३८ बोरा चिनी र सय बोरा चामलसहित २ वटा ट्रक बरामद गरेको सशस्त्र प्रहरी बल रुपन्देहीले जनाएको छ । चेक जांचको क्रममा, लुम्बिनी सांस्कृतिक नगरपालिका वडा नं. ११ मसिना हुलाकी मार्गमा पूर्वबाट पश्चिमतर्फ जाँदै गरेको ना ४ ख ४१२९ नम्वरको ट्रकमा भारतबाट भन्सार छली अवैध रुपमा ल्याएको चिनी बरामद गरिएको हो ।

त्यसैगरी,ओमसतिया गाउँपालिका वडा नं. ४ बसन्तपुरस्थित हुलाकी मार्गबाट भैरहवातर्फ जाँदै गरेको ना ३ ख ६३२७ नम्वरको ट्रकबाट पनि चिनी बरामद भएको प्रहरीले जनाएको छ।

बरामद सामग्रीसँगै ट्रकका चालकलाई पक्राउ गरेर कारबाहीका लागि राजश्व कार्यालय बुटवल पठाइएको प्रहरीले जनाएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५