सरकारबाट पाउनु पर्ने रकम नपाएको भन्दै बाँकेको कोहलपुरस्थित नेपालगञ्ज मेडिकल कलेजले बिरामीलाई अत्यावश्यक पर्ने डायलाइसिस सेवा बन्द गरेको छ ।
स्वास्थ्य मन्त्रालयले १४ महिनादेखिको करिब २ करोड रुपैयाँ नपठाएपछि सेवा बन्द गर्नुपरेको अस्पतालले जनाएको छ। दैनिक १८ देखि २० जनासम्मको डायलाइसिस गर्दै आएको नेपालगञ्ज मेडिकल कलेजले सेवा बन्द गर्दा बिरामीहरु मर्कामा परेका छन्।
बिरामीले डायलाइसिस गराउंदा २५ सय रुपैयाँको दरले निःशुल्क सेवा पाउँछन् र सो रकम सरकारले अस्पताललाई उपलब्ध गराउनु पर्छ । तर सरकारले समयमा रकम उपलब्ध नगराउंदा आवश्यक समान खरिद गरेर उपचार अगाडी बढाउन नसकेको कारण बिरामीहरु सेवाबाट वन्चित भएको अस्पतालले जनाएको छ ।यधपी एक हप्तालाई पुग्ने सामान मगाएर आज साँझबाट सेवा सुरु गर्ने अस्पतालले जनाएको छ।
आफ्नो प्रतिक्रिया दिनुहोस्