आर्थिक वर्ष २०७९/८० को मौद्रिक नीति सार्वजनिक भएपछी आइतबार ६१.०५ अंकले बढेको सेयर बजार सोमबार ५४.४५ अङ्कले बढेर २१३२. ९६ पुगेको छ।

नेप्से परिसूचक २ . ६२ %ले बढ्दै गर्दा ‘क’ वर्गका कम्पनीहरूको कारोबार मापक सेन्सेटिभ इन्डेक्स पनि ९.०५ अंकले बढेर ४०७.३८ बिन्दुमा पुगेको छ।

नेप्से सूचकसँगै कारोबार रकम पनि बढेर ४,१०६,८१८,९४१ रुपैयाँको सेयर कारोबार भएको छ। सोमबार २१४ कम्पनीको सेयर कारोबार हुँदा ९,९४४,०४८ कित्ता सेयरको खरिद बिक्रि भएको छ। सोमबारको कारोबारमा सम्पूर्ण उप-सूचकांकहरूमा हरियाली छाएको छ भने ७ कम्पनीले सकारात्मक सर्किटमा कारोबार गरेका छन्।