श्रावण ८,झापा : नेपाल–भारत सीमा क्षेत्रमा पर्ने झापाको कचनकवल –५ पाठामारीको बेल्लेगाउँमा तीन जना किशोरी रुखमा झुण्डिएको अवस्थामा फेला परेका छन् ।

शनिबार ११ बजेदेखि घुम्न भनेर निस्किएका तिन जना किशोरी सुनकोसी चिया बगानको बयरको रुखमा झुण्डिएको अवस्थामा फेला परेका हुन्।चिया बगानमा मजदुरी गर्दै आएका १६ वर्षीया करिना गणेश, कल्पना गणेश र १७ वर्षीया अञ्जली गणेश रहेको प्रहरीले जनाएको छ।

प्रहरीले तीनै जनाको शवलाई पोष्टमार्टमका लागि पठाउने तयारी गरेको छ भने प्रहरीको प्रारम्भिक अनुसन्धानमा उनीहरुले आत्महत्या गरेको हुनसक्ने आशंका गरिएको छ।