वैदेशिक मुद्रा सञ्चितिमा चाप परेको भन्दै सरकारले भदौ १४ गते सम्मको लागि १५० सीसीमाथिका मोटरसाइकल र ३०० अमेरिकी डलर भन्दा बढी मूल्यका मोबाइल आयातमा प्रतिबन्ध लगाएको छ।

यस अघि सरकारले राजपत्रमा सूचना प्रकाशित गर्दै बैशाखमा २५० सीसीभन्दा माथिका मोटरसाइकल र ६०० अमेरिकी डलरभन्दा बढी मूल्य भएका मोबाइल सेटको आयातमा प्रतिबन्ध लगाएको थियो।

राजपत्रमा प्रकाशित सूचना अनुसार २०७९ साउन १ गतेभन्दा अगाडी बैंकिङ माध्यमबाट आयातको प्रकिया सम्पन्न भैसकेकाको हकमा भने अहिलेको व्यवस्था लागु नहुने बताएको छ।वैदेशिक मुद्रा सञ्चितिमा कमि आएपछि सरकारले विलाशिताका वस्तु आयातमा कडाई गर्दै आएको छ।