प्रधानमन्त्री रनिल विक्रमासिङ्घेले श्रीलंकाको अन्तरिम राष्ट्रपतिको रुपमा सपथ लिएका छन्। विक्रमासिङ्घेले संवैधानिक प्रक्रियालाई पछ्याएर संकटग्रस्त मुलुकमा शान्तिसुरक्षा कायम गर्ने बताएका छन् ।

संसदका सभामुखले राष्ट्रपति गोताबाया राजापाक्षेले देश छाडेर पठाएको राजीनामा स्वीकृत गरेपछि, श्रीलङ्काका प्रधानमन्त्री रनिल विक्रमासिङ्घेले कार्यवाहक राष्ट्रपतिको रूपमा सपथ लिएका हुन्।

विक्रमासिङ्घेले शुक्रबार विधायकहरूलाई सर्वदलीय सरकार स्थापना गर्न सहमतिको दिशामा काम गर्न आग्रह गर्दै संवैधानिक प्रक्रियालाई पछ्याउने र महिनौंसम्म इन्धनको अभाव र आधारभूत मूल्यको भाउको चपेटामा परेको देशमा शान्ति स्थापना गर्ने बताएका छन्।