स्वास्थ्य बिमा कार्यक्रमको आठ करोडभन्दा बढी रकम भुक्तानी नपाएपछि त्रिवि शिक्षण अस्पतालले अनिश्चितकालका स्वास्थ्य बिमा कार्यक्रम स्थगित गरेको छ ।
स्वास्थ्य बिमा बोर्डले बिमितको उपचारबापतको करिब आठ करोड रकम उपलब्ध नगराएको भन्दै शिक्षण अस्पतालले स्वास्थ्य बिमा कार्यक्रम स्थगन गरेको छ। बोर्डले रकम भुक्तानी नगर्दा औषधि खरिद गर्न, उपकरण मर्मतसम्भार गर्न र कर्मचारीको सेवा–सुविधामा समस्या आएको भन्दै दैनिक करिब चार सय विरामीको उपचारमा प्रभाव पर्नेगरी अस्पतालले स्वास्थ्य विमा कार्यक्रम स्थगित गर्नुपरेको बताएको छ।
यता स्वास्थ्य बिमा बोर्डले भने सरकारबाट पैसा नआएको भन्दै रकम भुक्तानी हुन नसकेको बताएको छ। स्वास्थ्य बिमा बोर्डको तथ्यांकअनुसार हाल देशभर ४४० स्वास्थ्य संस्थाले बिमा कार्यक्रम लागू गरेका छन् ।
आफ्नो प्रतिक्रिया दिनुहोस्