आज भरतपुर चितवनमा हुने भनिएको सत्ता गठबन्धनको चुनावी सभालाई सम्बोधन गर्न पुगेका काँग्रेस नेता रामचन्द्र पौडेल र भरतपुर चितवनका स्वतन्त्र उम्मेदवार जगन्नाथ पौडेलबीच भेटवार्ता भएको छ।
आज भएको भेटमा पनि जगन्नाथ पौडेलले आफ्नो उम्मेद्वारी फिर्ता नगर्ने र गठबन्धनका उम्मेदवारलाई समर्थन गर्न नसकिने आफ्नो अडान कायमै राख्नु भएको पौडेलका स्वकीय सचिव नविन बरालले जानकारी दिनुभएको छ।
रामचन्द्र पौडेलले भेट्न खोज्नु भएको कारण आफुहरु उहाँलाई भेट्न गएको तर उम्मेद्वारीबाट पछि नहट्ने पौडेलको अडान यथावत नै रहेको पनि उहाँले बताउनुभयो।
नेता रामचन्द्र पौडेललाई भेट्न उम्मेदवार जगन्नाथ पौडेल सहित उहाँको प्रस्तावक काँग्रेस चितवनका पुर्व सभापति कृष्णलाल सापकोटा र समर्थक मिना खरेल पनि साथै पुग्नुभएको र सबैले उम्मेद्वारी फिर्ता नहुने कुरामा अडान राख्नुभएको बरालले जानकारी दिनुभयो।