युक्रेनसँगको द्वन्द्वको दशौं दिन रुसले युक्रेनको दुई सहरमा अस्थायी युद्धविराम घोषणा गरेको छ ।

रुसी रक्षा मन्त्रालयका अनुसार आज मस्कोको स्थानिय समय अनुसार बिहान १० बजे मानवीय सहायताका लागि युद्धविराम घोषणा गरिएको हो ।युद्धविरामको अवधिमा मारिपोल र भोल्नोभाखाका स्थानीयहरूलाई बाहिर निकाल्न मानवीय कोरिडोर खुल्ला गरिएको रुसले जनाएको छ।

दुई देशका अधिकारीबीचको दोस्रो चरणको वार्तामा मानवीय सहायताका लागि करिडोर खोल्ने सहमति भएको थियो ।

रुसको रक्षा मन्त्रालयले रुसी सेनाले युक्रेनी सहरलाई लक्षित नगरेको दाबी गरेको छ । रुसले नागरिकलाई कुनै खतरा नभएको र सैन्य संरचनामा मात्र आक्रमण भएको दाबी गरेको छ ।