भारतबाट करिब ८४ करोड ६५ लाख रुपैयाँमा खरिद गरि तामझामसहित ल्याइएको रेल इनरुवामा त्रिपाल ओढाएर राखिएको लामो समय पछी आजबाट परीक्षणको लागि चल्ने भएको छ ।

जयनगरदेखि कुर्थासम्म ३५ किलोमिटरको रेलमार्गमा आजबाट परीक्षणको लागि यात्रु नबोकी खाली रेल चलाइने भएको छ । १४ जना भारतीय र ६० जना नेपाली आजबाट काममा खटाइने तयारी भएको जानकारी प्राप्त भएको छ । तयारीको लागि भारतीय प्राविधिक टोली पनि नेपाल आइसकेको छ । परीक्षणकालिन अवधीमा दिनको एक पटक रेल गुडाइने छ र झण्डै एक सातासम्म परीक्षणको लागि रेल गूड्ने बाताइएको छ ।

नेपाली र भारतीय प्रधानमन्त्रीले संयुक्त रुपमा रेल उद्घाटन गर्ने भनिएको भएपनी अहिलेसम्म उद्घाटनको कुनै टुँगो भने लागेको छैन । तर फागुनमै उद्घाटन गरेर सेवा प्रारम्भ गर्नेगरी काम थालिएको रेल्वे कम्पनीले बताएको छ ।